هتشترى موبايل جديد او هتغير القديم اليك بعض النصائح

السلام عليكم ورحمة الله وبركاته 

فى التدوينة دى هنتكلم عن لو انت هتغير موبايلك القديم وهتجيب واحد جديد او لسة هتشترى تليفون جديد ومش عارف تختار ايه ?! .

طيب ندخل ف الموضوع على طول من غير مقدمات 

البطارية:-

معلومة:- وجد فى البطارية خلية أو أكثر متصلين ببعض بشكل ما ، ويعرف أن الخلية هى وحدة بناء البطارية حيث يتم داخل الخلية التفاعل الذى ينتج عنه طاقة كهربية ، ويتم توصيل أكثر من خليه داخل البطارية لانتاج الطاقه المطلوبة على حسب نوع البطارية .

اولاً لازم لازم لازم تعرف البطارية قوتها قد ايه و الفترة اللى بتخلص فيها البطارية وتعرف كام ملى امبير ... الملى امبير هوا مقدار البطارية يعني هتلاقي بطاريات 2000 ملى امبير و بطاريات 3000 ملى امبير هوضح لك يعنى ايه سعة البطارية بالملى امبير نفترض ان معاك زجاجة مياة 1 لتر وجسمك فيه املاح كتير فابلتالى هيستهلك مياة كتير يعنى زجاجة الـ1 لتر مش هتكفيك ده تشبيه للبطارية لو استخدامك عالى للتليفون اللى هتشتريه دور على تليفون يكون بطاريته سعة الامبير عليا يعنى لو بتستهلك 1000 ملى امبير فى الساعة البطارية الـ3000 ملى امبير هتقعد معاك 3 ساعات وكذلك الامر التليفونات ذات البطارية 2000 ملى امبير مش هتناسب احتيجاتك للالعاب والتطبيقات والشات لفترة طويلة لو استخدامك عالى انصحك تبص للبطايات 3000 واعلى .

بتسأل ايه الافضل اجيب تليفون بطاريته بلت ان ولا بلت اوت 

-البلت ان يعنى بطارية ثابتة غير قابلة للنزع او الازالة 

-البلت اوت يعنى قابلة للأزالة واستبدالهافى اى وقت 

عيوب البلت ان اى غير قابلة للأزالة غير بمختص صيانة لا قدر الله تليفونك سقط منك فى المياة واسرع وسيلة لأنقاذه هيا ازالة البطارية لحد ما تجف المياة والتليفون هيشتغل معاك بشكل طبيعي لكن عند عدم امكانية ازالة البطارية يبقي ربنا يعوض عليك 

البلت اوت عند تلف البطارية تقدر تشترى واحدة جديدة وتركبها عادى بنفسك 

سعة التخزين:-  

- طبعاً من الحاجات المهمة اللى لازم تخلى بالك منها وانت بتشترى تليفون جديد مساحة التخزين لأن الكارت الميمورى مهما كان حجمة كبير مع تليفون مساحته الاساسية صغيرة مش هيحل لك كل مشاكلك ابعد كل البعد عن التليفونات اللى مساحتها ذات 4GB و 8GB علشان فى ذل تحديث التطبيقات دلوقتى مش هيكملوا معاك اى حاجة وبالتالى التليفون هيقرفك فى عيشتك حتى ذاكرة التخزين ذات 16GB بتتماشي مع الناس اللى اخرهم واتس وفيس وماسنجر وكام صورة من كاميرا الهاتف وشكرا لو تحميلك للطبيقات كبير انصحك تبدأ تشوف اللى يناسبك من اول 32GB واعلى 

الرامات:-

- الرامات يعنى بنتكلم عن السرعة والسلاسة فى الاداء عندك الرامات 1GB يعنى بنذكر اقل حاجة فى السوق حالياً من وجهة نظرى تتماشي مع الاستخدامات لناس اللى اخرها بتقول الو فى التليفون وخلاص الرامات 2GB هتتماشي مع الناس اللى بتسخدم واتس وفيس واخرهم الانستجرام ومع الوقت هتبتدى تظهر مشاكل التهنيج لو ما بتعملش عملية تنظيف للملفات الغير ضروريا بأنتظام لكن لو انت بتلعب كتير وبتحب تجرب تطبيقات جديدة والخ واستخدامك للتليفون شبه دائم بشكل يومي انصحك تبتدى تشوف اللى يناسبك من اول 3GB رام 

البروسيسور/ CPU / او وحدة المعالجة الرائيسية :-

- هو مجموعة من المكونات تم دمجها في شريحة واحدة، وتتضمن تلك الشريحة: المعالج المركزي CPU – معالج الرسوميات GPU – معالج الإشارة الرقمي DSP – وحدة الاتصال Connectivity Module – وأحيانًا الذاكرة العشوائية RAM والتي في حالة عدم وجودها على الشريحة يوجد ما يسمى بالجسر المضيف Northbridge ليصل بين الشريحة والذاكرة العشوائية الخارجية وبعض المكونات الأخرى…

يعنى بأختصار المعالج الرائيسيي او البروسيسور مسؤل عن الرسوم فى الهاتف يعنى لو بلتعب لعبة على التليفون الرسوم والجرافيك بتاعها عالى و وحدة المعالجة او البروسيسور ضعيف احب اقولك ان انت بتموت نفسك بالبطىء تقاس هذه السرعة بـجيجا هرتز GHz أو ميجا هرتز MHz، وكلما كانت السرعة أكبر كان الأداء أفضل

دلوقتى انا قولتلك كل اللى عندى من وجهة نظرى فى التليفونات الجديدة دلوقتى واى حاجة غير الحاجات الاساسية دى شكليات  وانت ذوقك ورأيك واختيارتك والماركة المفضلة لديك فى التليفونات ولازم اهم حاجة تشترى تليفون من شركة بتقدملك خدمة ما بعد البيع